Mh. Mkuu wa Wilaya ya Mbulu, Sezaria V. Makota Awapongeza Wataalamu wa TARURA Kwa Kusimamia Vizuri Miradi ya Barabara Mbulu

Kurushwa hewani: October 1st, 2021

Katikati Mwenye Nguo Rangi Nyekundu na Weusi ni Mh. Mkuu wa Wilaya ya Mbulu, Sezaria V. Makota Akipokea Taarifa na Maelekezo ya Mradi Huo wa Barabara ya Qaloda hadi Ng'orati.

Mh. Mkuu wa Wilaya ya Mbulu, Sezaria V. Makota Akikagua Nyumba ya Mwalimu Katika Shule ya Msingi Sagha Halmashauri ya Wilaya ya Mbulu.

~~~~~~~~~~     HABARI KAMILI     ~~~~~~~~~~

Haya yamejiri wakati Mh. Mkuu wa Wilaya S.V.Makota akiwa katika ziara ya ukaguzi wa miradi mbalimbali ya barabara na elimu katika Halmashauri ya Wilaya ya Mbulu Vijijini. Ambapo katika ziara hiyo Mh.Mkuu wa Wilaya huyo alipokea taarifa ya mradi wa barabara ya kiwango cha vumbi iliyochongwa kwa upana sahihi na kushindiliwa ipasavyo toka kijiji cha Qaloda hadi Ng'orati yenye urefu wa kilometa 11.

Barabara hii ni msaada mkubwa kwa wananchi kwa kuwa itasaidia usafirishaji wa mazao mbalimbali na abiria kitu kitakachochochea ukuaji wa maeneo yote inamopita barabara hii ikiwemo kuongeza ajira baada ya maisha kuboreka kutokana na matokeo chanya ya kuwepo kwa mawasilisano ya barabara ya uhakika.

Hata hivyo  Mh. Mkuu wa Wilaya S.V.Makota aliendelea na ukaguzi huo katika miundombinu ya elimu ambapo alitembelea Shule ya Msingi Sagha ambapo alikuta nyumba 1 ya waalimu ambayo imepauliwa bado umaliziaji. Katika nyumba hiyo Mh. Mkuu wa Wilaya alishauri  kwamba "choo, bafu, jiko na stoo vijengwe kwenye vyumba vya uwani na shimo la choo lijengwe nje, kwani hii itasaidia kuwepo kwa mazingira mazuri na salama kwa mwalimu atakayeishi hapa"